Home » 2010

2010

XIV Jornadas Independentistas Galegas

Compostela, 29 de Maio de 2010
(CS O Pichel)

Quatro realidade similares à da Galiza

As luitas de libertaçom nacional no centro capitalista

A maior crise histórica da civilizaçom burguesa adopta uns traços específicos nas naçons sem Estado do centro capitalista. A carência de soberania impossibilita os povos das formaçons sociais dependentes de contarem com a capacidade e os mecanismos para adoptarem as decisons adequadas na defesa do imperialismo e das suas políticas vorazes de exploraçom e rapina.

Exercer o direito de autodeterminaçom é imprescindível para se dotar das ferramentas essenciais que permitam libertar-se das cadeias. Sem contarmos com Estado próprio ao serviço da classe trabalhadora, estamos condenados a desaparecer pola cada vez maior pressom  uniformizadora a que o capitalismo condena os povos.

A actual crise económica capitalista golpeia com mais força e contundência nos nossos povos perante a incapacidade de decidirmos por nós próprios.

Mas nom só precisamos conquistar a soberania e a indepencência, é necessário quebrarmos com o capitalismo, acumular forças populares e operárias para avançar face a única alternativa viável que permita superarmos a dominaçom. O Socialismo é o horizonte que deve guiar as luitas de libertaçom nacional do centro capitalista. E a Revoluçom a estratégica emancipatória.

A XIV ediçom das Jornadas Independentistas Galegas analisarám as perspectivas, os desafios, as ameaças de quatro realidades nom suficientemente conhecidas na Galiza na hora de enxergarmos as tácticas e estratégias revolucionárias para atingirmos a liberdade.

Embora estejamos geograficamente afastados, pertençamos a dous continentes diferentes, as opressons nacionais que padecem os Países Cataláns, Córsega, Escócia e Porto Rico tenhem similitudes entre elas e também com a Galiza.

Por este motivo, contamos com a presença de camaradas da esquerda independentista portorriquenha, corsa, escocesa e catalá que contribuirám para o nosso conhecimento das suas luitas, para que aprendamos das suas experiências, que também som as nossas.

Comité Central de Primeira Linha

Galiza, Maio de 2010

 

:: Programa

Galiza e Países Cataláns frente ao assimilacionismo espanhol

Alberte Moço, Porta-voz nacional de NÓS-UP (Galiza)

Aquiles Rubio i Villalvilla, Endavant-OSAN (Países Cataláns)

Escócia, Córsega e Porto Rico, três luitas anti-imperialistas

Johanna Dind, Scotish Socialist Party (Escócia)

Paulu Antone Susini, Corsica Livera (Córsega)

Salvador Tió, independentista portorriquenho (Porto Rico)

Cinco realidades, um mesmo combate

Johanna Dind

Alberte Moço

Aquilles Rubio i Villalvilla

Paulu Antone Susini

Salvador Tió

:: Imagens e crónica das XIV Jornadas Independentistas Galegas [+]