A organizaçom política de massas da esquerda independentista emitiu hoje um comunicado  perante a detençom no passado dia 15 de Dezembro de Miguel Nicolás Aparicio.  A detençom do jovem trabalhador produzia-se às poucas horas de ter lugar umha  sabotagem no escritório do INEM, no bairro viguês de Coia.

NÓS-UP manifesta “a sua solidariedade com Miguel Nicolás Aparicio” e exige a sua imediata liberdade.  Aliás, a organizaçom idependentista denuncia mais umha vez a forma de actuar dos media burgueses esquecendo ” na hora de informarem sobre umha detençom, com trasfundo político o respeito pola inocência do detido enquanto nom houver prova em contrário.”

Reproduzimos na integra o comunicado de NÓS-UP.

A Direcçom Nacional de NÓS-Unidade Popular quer manifestar publicamente a sua solidariedade com Miguel Nicolás Aparicio, detido pola polícia espanhola no passado dia 15 de Dezembro, sob a acusaçom de ter sabotado um escritório do INEM sediado no bairro viguês de Coia.

Somos conhecedores/as da impunidade com que actuam os  corpos repressivos espanhóis no interior das suas esquadras, daí que manifestemos a nossa preocupaçom com a integridade física do jovem trabalhador e exijamos a sua imediata liberdade.

Nom seria a primeira nem a última vez que se produzissem detençons arbitrárias e sem base acusatória, acompanhadas dumha ofensiva mediática dos media burgueses.

Mais umha vez, este meios de (des)informaçom esquecem, na hora de informarem sobre umha detençom, com trasfundo político o respeito pola inocência do detido enquanto nom houver prova em contrário.

De NÓS-Unidade Popular advertimos mais umha vez da possibilidade de que se verifiquem novos casos de perseguiçom política, policial e judicial ligados à evoluçom das dinámicas de luita de classes numha fase de crisis sitémica e de incremento das mobilizaçons e das luitas populares.

Miguel Liberdade!

Galiza, 17 de Dezembro de 2010

Direcçom Nacional de NÓS-UP