Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Internacional, Notícias

Sionistas retomam a construçom de colónias em Palestina e demonstram a falsidade das “negociaçons de paz”

Sexta-feira, 1 Outubro 2010

Desde esta semana os colonos sionistas, com o apoio do governo de extrema direita encabeçado por Benjamin Netanyahu, estám a retomar a ampliaçom das colónias existentes no território administrado pola Autoridade Nacional Palestiniana depois de que o 26 de setembro finalizasse a suspensom parcial decretada em novembro de 2009 polo Estado de Israel.

Este facto fai perigar as questionadas negociaçons de paz entre Israel e a corrupta e claudicante ANP iniciadas a meados do mês de setembro a instáncias do governo norte-americano de Barack Obama. Mahmoud Abbas, amagou com a sua retirada da mesa de negociaçons caso a suspensom nom seja prorrogada, embora finalmente decidiu adiar esta decissom até o 4 de outubro, após a prevista juntança da Liga Árabe que tratará o tema.

Do lado palestiniano os sectores contrários ao processo negociador (desde Hamas até organizaçons marxistas como a FPLP ou a FDLP) acham no facto da reanudaçom da construçom de colónias umha demonstraçom de que este diálogo tam só divide e dificulta a resistência palestiniana e serve aos interesses do governo de Telavive mentres o povo palestiniano continua a padecer a ocupaçom imperialista.