Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Em destaque

Moncho Reboiras foi lembrado mais um ano em Ferrol

Sexta-feira, 13 Agosto 2010

Ferrol acolheu, como cada ano desde 2001 a concentraçom convocada pola Assembleia Comarcal de NÓS-Unidade Popular para lembrar o combatente comunista José Ramom Reboiras Noia.

Passadas as oito da tarde, começou a concentraçom diante do portal número 27 da rua da Terra onde a policía espanhola assassinou o joven revolucionário, há 35 anos. Ali tomárom a palavra em primeiro lugar Carlos Garcia Seoane, da Mesa Nacional de BRIGA, e Maurício Castro em representaçom da Direcçom Nacional de NÓS-Unidade Popular, combinando-se as intervenços políticas com música e a leitura de dous poemas inéditos dedicados à figura de Reboiras, por parte de Ramiro Vidal Alvarinho e Belém Grandal.

Tanto o dirigente de NÓS-Unidade Popular como Carlos Garcia Seoane sublinhárom o trabalho de Reboiras no campo sindical e cultural, pondo-o com exemplo perante a Greve Geral de Setembro, mas também destacando o seu papel de organizador da Frente Armada da UPG, dando todo o que um revolucionário pode dar: a sua própria vida.

Posteriormente, fijo-se a tradicional oferta-floral junto ao retrato de Reboiras, na placa comemorativa na fachada do edifício onde morreu o militante da UPG.

O canto colectivo do Hino Nacional da Galiza pugérom fim ao acto patriótico deste 12 de Agosto em Ferrol, que ano após ano confirma um progressivo aumento de assistência.