Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Em destaque

Homenagens populares a Moncho Reboiras

Segunda-feira, 2 Agosto 20102 Comentários

Coincidindo com a sua morte em combate há 35 anos o vindouro sábado 7 de Agosto tem lugar umha homenagem popular ao emblemático guerilheiro comunista e independentista galego José Ramóm Reboiras Noia.

Umha comissom conformada por antigos camaradas de Moncho Reboiras organiza no cemitério de Imo, -onde estám enterrados os seus restos-, um conjunto de actividades entre as que destaca a inauguraçom de umha placa-escultura de Acisclo Manzano, umha oferta floral, a  leitura de um Manifesto por Uxia Blanco, assim como um recital poético e diversas actuaçons musicais.

Os actos programados dam início às 19 horas e posteriormente terá lugar na Cruz do Avalam, nas prximidades do cemitério, um acto de convívio no que actuarám entre outros Mini e Mero, Pilocha, Xico da Virada, assim como diversos cantores-compositores como Paco Campos e César Morám, e um grupo de gaiteiros de Melide. Também serám recitados poemas de Ferrín, Lois Diéguez, Dario Xan Cabana e Manuel Maria dedicados ao patriota assassinado 12 de Agosto na rua da Terra de Ferrol pola polícia espanhola.

Perto de mil pessoas já tenhem assinado o Manifesto de homenagem a Moncho, assim como diversas organizaçons políticas. O nosso partido, como NÓS-UP som algumhas das entidades aderidas a este homenagem popular.

Para mais informaçom www.monchoreboiras.org

A Assembleia Comarcal de NÓS-Unidade Popular de Trasancos também organiza o tradicional acto de homenagem a Moncho Reboiras. Terá lugar quinta-feira 12 de Agosto às 20 horas ao pé da casa onde foi assassinado. Sob a legenda Moncho Reboiras semente da Revoluçom Galega estám previstas diversas actuaçons musicais, um recital poético e as intervençons políticas de Maurício Castro (NÓS-UP) e Carlos Garcia Seoane (BRIGA).

O Capítulo Galiza do MCB vem de sacar do prelo a terceira ediçom da biografia do revolucionário galego que podes consultar em formato de fácil leitura .