A Conselharia de Economia da Junta da Galiza vai gastar quase 120.000 milhons de euros numha campanha publicitária destinada a melhorar a imagem pública das empresas privadas que desenvolvem actividade mineira em solo da CAG.

Estas empresas, na sua actividade, provocam um grande deterioramento ambiental e paisagístico. Há dous grandes grupos de comunicaçom que, pressumivelmente, vam sair especialmente beneficiados desta campanha, que som a COPE e o Grupo Voz.

A campanha, para a que se convocou concurso recentemente, deverá estar desenhada fundamentalmente para rádio e televisom, e reforçará-se também com publicidade exterior, cartazes, imprensa em papel e internet. Um dos requisitos da campanha é que os spots devem ser emitidos em polo menos duas canles de televisom de ámbito autonómico, ainda que por outro lado nom se estabelece um máximo. Apenas existem três canles com ámbito autonómico com licença de tdt; estas som Telemaria (da COPE) e V visión (do Grupo Voz). É perfeitamente pressumível que finalmente se opte por emitir os spots nas três canles.

Esta campanha favorece de maneira clara a dous grupos empresariais do sector da comunicaçom muito ligados à ofensiva mediática que levou a Feijó à Presidência da Junta e, além disso, implica umha utilizaçom de dinheiro público para lavar-lhe a face a um sector que nom serve aos interesses do povo galego e que está a destroir o nosso meio natural. Continua portanto o pagamento de favores aos valedores mediáticos de Feijó e também o uso indevido de fundos públicos para favorecer a quem só está interessado na exploraçom intensiva a curto prazo dos recursos do nosso país, ainda que for a costa da sua destrucçom.