Numhas semanas decorrerá nos Julgados das Fontinhas, em Compostela, um novo julgamento político contra militantes independentistas que foram detidos em 2006. Quatro anos depois Iago e Aurélio,  terám que enfrentar a acusaçom formluada por presunta desobediência à autoridade e danos a um veículo policial. O total 300 eurs e 9 meses de prisom para um deles, 9 meses de prisom para o outro, e inabililitaçom de sufrágio passivo para ambos.

Assim o denuncia no seu web a organizaçom estudantil do MLNG, AGIR, a cuja Direcçom Nacional pertence um dos encausados.

AGIR lembra-nos a noite em que foram detidos ambos jovens quando umha autoconvocatória antisionista contra a presença de Shlomo Ben-Ami na Galiza juntara dúzias de pessoas às portas da sede cultural de Caixa Galicia em Compostela.

Aurélio e Iago foram interceptados por agentes de choque da polícia espanhola, quase meia hora antes de começar a concentraçom. Tendo sido requeridos para se identificar sem motivo, as suas demandas para lhes ser explicada a identificaçom acabariam com a paciência dos agentes, que tornaria violência física, insultos e ameaças nas cinco horas que passárom retidos.  

O dia 28, a solidariedade internacionalista da Galiza com Palestina viverá a segunda parte dum acto de rechaço aos políticos genocidas israelis, cuja continuidade é devida à repressom jurídico-policial espanhola, encenada numha triste farsa como esta, em que as vítimas do abuso de poder som sentadas como presuntos culpáveis.