Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Notícias

FEG recorre proposta de parques eólicos da Junta

Segunda-feira, 28 Junho 2010

A Federaçom Ecologista Galega anunciou a apresentaçom de um recurso contencioso contra nova proposta de parques eólicos da Junta da Galiza, incluida na orde de 29 de março da Conselharia de Economia e Indústria para a asignaçom de mais 2325 MW de potencia eólica no nosso País.

A federaçom de associaçons ambientalistas critica o continuismo nas velhas políticas energéticas que significa esta nova proposta, sobretodo polo facto de os novos parques eólicos previstos ocuparem na maioria dos casos hábitats naturais nos que causarám graves prejuízos à biodiversidade, aos recursos naturais e à paisagem.

Entre os espaços naturais da Galiza que se encontram desprotegidos e poderiam ser afectados polos novos projectos eólicos da Junta e da conselharia de Javier Guerra están a Serra do Suído, a Serra da Groba, a Serra da Loba, a Serra do Barbança ou a Serra do Eixe.

Segundo denuncia a FEG, aliás, a posta em andamento dos novos planos eólicos previstos faria impossível a aplicaçom de diferentes directivas da Uniom Europeia e leis e decretos da própria Junta da Galiza em relaçom com a protecçom do hábitat, da fauna e a flora ou da paisagem.