Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Notícias

Polónia proibe fouce e martelo

Sexta-feira, 18 Junho 2010Um Comentário

Governo reaccionário da Polónia vem de aprovar modificaçom do Código Penal proibindo produzir, registar, importar, vender, comprar, oferecer, transportar ou enviar simbologia comunista com fins propagandísticos.

A semana passada, concretamente 8 de Junho era aprovado um novo artigo, 256, do Código Penal polaco que penaliza com multas e até os dous anos de prisom a utilizaçom da fouce e o martelo carcaterística dos partidos e organizaçons comunistas.

Tal decisom parte do governo conservador de Donald Tusk, um Estado integrado na Uniom Europeia. Com esta decisom antidemocrática, contrária aos mais básicos direitos de liberdade de expressom, Polónia converte-se no quarto país do antigo bloco soviético, junto a Hungria, Lituania e Letónia, que persegue a utilizaçom da simbologia comunista.

Na Estónia, Letónia, Lituania e Roménia tenhem sido ilegalizadas organizaçons comunistas.

Actualmente na Moldávia um Comité promovido polo governo prepara modificaçom da legislaçom para somar-se a esta onda anticomunista até o extremo de baralhar a proibiçom do termo “comunismo” e os seus derivados.

A burguesia europeia preocupada pola reorganizaçom do movimento operário perante a grave crise que avala a legitimidade do sistema capitalista promove umha campanha anticomunista. Após a comemoraçom do vigéssimo aniversário da queda do muro de Berlim foi aprovada a denomina Carta de Praga, assinada por presidentes e representantes parlamentares da Uniom Europeia, na que demagogicamente se equiparárom os “crimes do comunismo” com a barbárie genocida do fascismo apelando a debater utilizaçom da simbologia comunista.

Em diversas cidades do mundo tivérom lugar actos de apoio e solidariedade com as organizaçons marxistas polacas.