Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Notícias

Esquerda independentista estivo presente em Ponte Vedra na marcha anual da APDR

Segunda-feira, 7 Junho 2010

Este sábado decorreu umha nova ediçom da marcha anual que a APDR organiza para reclamar a saída das instalaçons contaminantes da empresa ENCE da Ria de Ponte Vedra.

A manifestaçom contou com dúzias de apoios (de organizaçons ecologistas, sindicatos, organizaçons políticas, vicinais, juvenis ou culturais…), e como é já tradicional partiu das Alamedas de Marim e Ponte Vedra congregando um grande número de pessoas e superando as cifras mobilizadoras de anos anteriores. As e os participantes berrárom palavras de ordem como “ENCE-ELNOSA, feche já” ou “Governe quem governe, a Ria nom se vende”.

Da APDR defendérom de novo a mobilizaçom social como única garantia para atingir o objectivo do feche de ENCE em 2018, quando finaliza a sua concessom, e rejeitárom a possibilidade, aberta pola Junta de Núñez Feijó, da instalaçom de umha planta de biomassa por parte de ENCE nos mesmo terrenos que agora ocupa o complexo ENCE-ELNOSA. Aliás, instárom ao governo autonómico a  negar a próxima autorizaçom ambiental que a empresa precisa para continuar com a sua actividade (a última das quais foi concedida polo bipartido PSOE-BNG).

A esquerda independentista e socialista também apoiou a Marcha, e tanto NÓS-Unidade Popular como BRIGA participárom com faixas e cortejos próprios, defendendo o fim definitivo de ENCE e a recuperaçom integral da ria de Ponte Vedra frente a novos projectos agressivos projectados pola Junta da Galiza, o governo espanhol ou a Cámara Municipal de Ponte Vedra.