Rede Feminista Galega realizou o Contracaminho sob a legenda “Nom vimos peregrinar, vimos apostatar”
Perto de meio cento de mulheres da RFG percorrêrom ontem os 5 quilómetros que separam o Monte do Gozo da Praça da Quintá para animar à gente a apostatar e ao mesmo tempo denunciar a responsabilidade que tem a Igreja na situaçom de discriminaçom das mulheres.
Portando dúzias de piruletas com legendas como “Galiza Laica”, “Apostata”, “Homófobos”, “Eu decido”, “Papa nom”, “Hipócritas”, e baixo um sol de justiça, chegárom à Praça da Quintá ao redor da umha da tarde, onde seguírom berrando consignas diante dum nutrido grupo de integristas que faziam cola para entrar na Porta Santa compostelana.
O acto rematou na Praça do Pam com o reparto do documento necessário para fazer efectiva a apostasia.
O resto da jornada transcorreu na Praça da Oliveira, onde tivo lugar um jantar popular que juntou mais de cem pessoas, seguido de actuaçons e foliada durante toda a tarde e até bem entrada a noite.