Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Notícias

Mais de cem pessoas marcham pola fraga do Pico Velho, em protesta contra a mina de andaluzita

Terça-feira, 18 Maio 2010

Mais dum cento de pessoas marcharom pola fraga do Pico Velho, no concelho das Pontes, para protestarem pola próxima apertura de umha mina de andaluzita nas portas deste espaço protegido.

A permissom da Conselharia de Indústria para a exploraçom do jazigo de andaluzita existente na zona fora denegada em tempos do bipartido, mas a 11 de Março do passado ano, isto é, apenas uns dias depois da chegada do PP ao poder na Junta da Galiza, este mesmo departamento dá por bom o informe de impacto ambiental e concede a permissom pertinente. Isto, a pesar de que a exploraçom mineira incumpre várias leis e decretos, afecta a um espaço legalmente protegido e destroiria umha quantidade importante de património natural e etnográfico. É importante salientar o impacto negativo que sobre a saúde pública teria esta mina, por estar nas proximidades de umha das fontes do Belelhe, um rio que fornece de água potável a várias povoaçons.

Entre as entidades convocantes estavam Verdegaia, Adega, a SGHN, Guerrilheiros das Fragas, a Federaçom Ecologista Galega ou o Comitê de Defesa das Rias Altas, entre outras.