Um jovem de vinte anos de idade morreu polos ferimentos que lhe causarom no abdome os disparos recebidos tras as forças de ocupaçom abrir fogo contra umha marcha que protstava pola ampliaçom do “tampom” ou “zona de segurança” na zona do limite entre Gaza e Israel.

Várias dúzias de pessoas manifestavam-se nas imediaçons da fronteira, quando a poucos metros da mesma soldados israelís abriam fogo, causando ferimentos a várias pessoas, entre elas umha activista internacional da causa palestiniana, de nacionalidade maltesa. Também resultou ferido o jovem Ahman Salem Dib, que foi trasladado ao hospital morrendo ao pouco de serem ingressado.

As organizaçons patrióticas palestinianas oponhem-se à ampliaçom da zona de segurança na fronteira, umha ampliaçom que o exército israelí justifica no intuito de impedir a colocaçom de artefactos explosivos ou o lançamento de foguetes mas que, segundo denunciam as organizaçons palestinianas, o que pretende é o accesso dos labregos às suas terras. De facto, a zona de segurança abrange por volta de 20% das hectáreas cultiváveis da franja palestiniana.