No estado de Israel entrou em vigor recentemente umha nova lei que permitirá a deportaçom, mesmo massiva, de palestinianos e palestinianas no território da Cisjordánia.

Esta nova lei, recolhida dentro da legislaçom militar do estado sionista, já fora aprovada fai seis meses, e o que fai é flexibilizar a definiçom de “infiltrado” e “infilitrada”, figura jurídica que já existia desde fai décadas na legislaçom de Israel. Esta nova lei inclui também a possibilidade de penas de cárcere de até 7 anos para as pessoas que entrem ou residam sem permissom nesta parte da Palestina.

Segundo diversas organizaçons e ONGs o enunciado da nova lei é mui genérico, podendo chegar a ser aplicado a qualquer residente na Cisjordánia, a excepçom dos colonos sionistas. Um exemplo som as pessoas cujo documento de identidade assinale que residem em Gaza, aquelas que perderam a sua condiçom de residentes polo motivo que for ou as esposas de palestinianos nascidas no estrangeiro mas residentes na Cisjordánia.