Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Notícias

Mobilizaçom nacional em solidariedade com Cuba o próximo domingo ,18 de Abril, em Compostela

Domingo, 11 Abril 2010

A solidariedade galega com a Cuba revolucionária mostrará-se nas ruas de Compostela o vindouro domingo, 18 de Abril, numha manifestaçom que partirá da Alameda da nossa capital às 12:30h sob a legenda Paremos a farsa “informativa” contra Cuba, em referência à campanha mediática de ataques à Revoluçom cubana que o imperialismo estado-unidense dirige nas últimas semanas em torno à suposta repressom e violaçom dos direitos humanos que se estaria dando na ilha contra os “opositores democratas”.

Esta mobilizaçom nacional está convocada pola Associaçom de Amizade Galego-Cubana Francisco Villamil e também é apoiada por múltiplas entidades internacionalistas, sindicatos, associaçons culturais, associaçons de cubanos e cubanas residentes na Galiza, organizaçons juvenis, estudantis ou organizaçons políticas, entre as que se encontra também o nosso Partido.

 Mas a solidariedade do nosso povo com Cuba já se expressou na passada sexta-feira ao serem enfrentada umha concentraçom organizada de contra-revolucionários ante o Consulado da República de Cuba, também em Compostela. Umha outra convocatoria, espontánea, respostou com firmeza e serenidade aos insultos e até agressons físicas dos “democratas”, que berravam palavras de ordem pró-capitalistas e contra o socialismo, impedindo aliás a sua aproximaçom ou entrada na sede diplomática.