O movimento feminista galego leva dias realizando actividades reivindicativas nos principais núcleos urbanos do País denunciando a opressom, marginalizaçom e exploraçom das mulheres trabalhadoras.

Nesta ocasiom a data coincide com o cem aniversário da sua proclamaçom em 1910 pola dirigente comunista alemá Clara Zetkin na II Conferência Internacional de Mulheres Socialistas realizada em Copenhaga.

Embora a primeira celebraçom do Dia Socialista das Mulheres, organizado por iniciativa do Secretariado Feminino Internacional, deu-se a 19 de Março de 1911, por decisom da Secretaria da Mulher Socialista, órgao da Internacional, movimentando mais de um milhom de mulheres na Europa e nos Estados Unidos.

Além de manifestaçons e concentraçons convocadas pola MMM na Galiza tivérom lugar diversos actos de protesto promovidos polo feminismo anticapitalista.

Sábado 6 de Março dúzias de mulheres da Rede Feminista Galega realizárom umha macro-pintagem na Avenidade Lugo da capital da Galiza com a legenda “Imos queimar a Conferência Episcopal por machista e patriarcal”.

Esse mesmo dia a Assembleia de Mulheres do Condado (AMC) inaugurou na feira de Ponte Areias umha exposiçom itinerante na que se reproduzem oito entrevistas a oito mulheres dessa comarca do sul da Galiza. Actualmente a exposiçom está em Salvaterra de Minho.

Hoje na Corunha diversos colectivos sociais respaldados por organizaçons políticas do MLNG como NÓS-UP e BRIGA organizam um denso programa reivindicativo que culminará com acçons de rua na Praça das Conchinhas e na Rua Barcelona da cidade herculina.

Tanto NÓS-UP como BRIGA emitírom sendo comunicados apelando a manter e aprofundar na luita feminista.