Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Internacional, Notícias

Crise para quem? Construtoras espanholas multiplicam lucros

Terça-feira, 2 Março 2010Um Comentário

Enquanto o governo espanhol prepara um grande pacto de Estado para lançar umha reforma laboral que, a costa d@s trabalhadoras/es, reactive a economia as grandes empresas da construçom venhem de fazer público que os seus benefícios em 1009 incrementarom-se num 85% a respeito do ano anterior.
Assim, Ferrovial, FCC, ACS, Acciona e OHL, obtiverom um benefício neto de 3.595 milhons de euros no passado 2009.

ACS, a empresa propriedade do presidente do Real Madrid Florentino Perez, foi a que liderou os benefícios no passado ano, com mais de 1.790 milhos de euros, seguida de cerca por Acciona com 1.229 milhons de euros.

Ademais dos benefícios derivados das vendas de activos, este incremento espectacular do ganho destas grandes empresas forom produto de negócios chamados estratégicos, relacionados com a pavimentaçom de estradas e a construçom de infra-estruturas.

Há que recordar que há  poucos dias fijo-se público que até 53 empresas da construçom estám a ser investigadas por alcançar acordos para a distribuiçom de projectos e fijaçom de preços para a participaçom em concursos públicos.

Os enormes benefícios destas grandes empresas espanholas da construçom, producem-se precisamente num sector que a crise golpeou com especial virulência e no que o desemprego multiplicou-se de maneira exponencial.