Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Nacional, Notícias

Alarmante incremento do desemprego na Corunha: 34% mais em 2009

Terça-feira, 9 Fevereiro 2010

Na cidade da Corunha, o desemprego nom pára de crescer. Ao fim do ano 2009, um total de 18.888 pessoas engrossavam as listagens de demandantes de emprego, o que supunha um incremento de 34% a respeito do ano anterior. Mas esse dado já está obsoleto, porque afinal do mês de Janeiro deste ano, eram 19.401 @s vizinh@s do concelho herculino desempregad@s.

Por sexos, o brutal incremento experimentado no ano 2009 a respeito de 2008 prejudicou mais os homens do que as mulheres, pois som 2.119 os varons que ficarom sem posto de trabalho durante o ano 2009, sendo 1.557 o numero de mulheres que sofrêrom o mesmo percalço nesse período de tempo.

Além  dos argumentos técnicos (com cheirume tecnocrático) que esgrime a Cámara Municipal para explicar a evoluçom dos algarismos do desemprego na Corunha, nom é complicado inferir as verdadeiras razons polas quais, numha cidade de menos de quarto de milhom de habitantes, há um número tam elevado de pessoas laboralmente desocupadas, número que nom pára de crescer e que carece de expectativas de inverter a sua tendência à alta.

As deslocalizaçons no telemarketing e no têxtil, a venda de umha empresa tam importante como FADESA, a parálise da construçom, as contínuas notícias de ERE’s fraudulentos… som somandos que se acumulam, perante a passividade e cumplicidade das diferentes administraçons e, com freqüência, de algumhas centrais sindicais. Na cidade nom se parou de destruir emprego já nom no último ano, mas no último lustro, sem que houvesse umha só iniciativa dos poderes públicos para contrarrestar isso.