Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Nacional, Notícias

Cangas declara-se concelho “contrário às touradas”

Quinta-feira, 4 Fevereiro 2010

O Concelho de Cangas converteu-se no primeiro da Galiza que se declara “contrário às touradas e amigo dos animais”, depois da aprovaçom no seu pleno de umha moçom neste sentido apresentada pola ACE e que contou com o apoio do resto de grupos municipais, a excepçom do PP, que se abstivo.

Deste jeito, a instituiçom municipal canguesa compromete-se a nom permitir a organizaçom de touradas, assim como a nom difundir e promocionar este “espectáculo” espanhol nos meios de difusom municipal, algo que contrasta com a promoçom turística das touradas feita em cidades galegas como Ponte Vedra ou Corunha tanto polas cámaras municipais como pola Junta da Galiza.

Consegue assim o movimento antitouradas umha pequena vitória no nosso país, onde a luita contra esta bárbara festa do espanholismo se encontra menos desenvolvida do que noutras naçons, com destaque para as Ilhas Canárias, onde as touradas já nom som permitidas, ou na Catalunha, onde poderiam ser proibidas polo parlamento proximamente.