Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Nacional, Notícias

AGIR organiza inquérito sobre língua e ensino entre o estudantado

Terça-feira, 2 Fevereiro 20102 Comentários

A organizaçom estudantil da esquerda independentista, AGIR, começou umha campanha de inquéritos em centros de ensino sobre usos lingüísticos do estudantado e do professorado, com umha mesa no IES Gelmires I de Compostela. Proximamente a iniciativa vai estender-se a outros institutos da comarca e do País, segundo anunciou a entidade estudantil.

AGIR explica no seu site na rede esta primeira experiência, que deparou com impedimentos da direcçom do centro, mas foi bem acolhida polo estudantado. A participaçom durante as 3 horas de duraçom foi de 32,6% da pessoas matriculadas, o que supom motivo de satisfaçom relativa para a entidade organizadora, que salienta como conseguiu provocar debates sobre o idioma, tanto sobre a forma escrita como sobre a sua escassa presença nas salas de aulas.

AGIR fijo públicos os resultados do inquérito, que a seguir reproduzimos:

1. Qual é a tua língua materna?
GALEGO- 52,5%    ESPANHOL- 37%    OUTRAS- 4,4%     AMBAS-3,9%    NULOS- 2,2%

2. Qual é a língua predominante entre o professorado do teu centro?
G- 54,14%   E- 42%   O- 1,6%   N- 2,2%

3.1. Qual é a língua que empregas habitualmente em aulas?
G- 36,5%    E- 57%   O- 4,4%   N- 2,2%

3.2. Qual é a língua que empregas habitualmente no liceu, fora de aulas?
G- 35,3%   E- 56%   O- 5%   A- 1,6%   N- 2,2%

4. Estarias de acordo em que o galego tivesse mais presença no programa de estudos do teu centro?
SIM- 59,7%   NOM- 18,2%   INDIFERENTE- 18,2%   NULO- 2,7%