Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Nacional, Notícias

Concerto solidário marca início da campanha para evitar a entrada em prisom de Alexandre Rios

Domingo, 17 Janeiro 2010

Um concerto em Ferrol com os grupos Arenga (Pontedeume, Galiza) e Eina (Vila Franca, Países Cataláns), serviu de marco inicial da campanha anunciada pola organizaçom juvenil independentista BRIGA, que tem como duplo objectivo evitar a entrada em prisom do jovem antimilitarista de Ponte Vedra e denunciar a política de assédio aos movimentos sociais que caracteriza o Estado espanhol e as suas instituiçons, com o PSOE à cabeça na actualidade. Alexandre Rios tomou a palavra para defender a continuidade da acçom antimilitarista e a unidade na luita contra a repressom espanhola.

O Centro Social da Fundaçom Artábria acolheu o concerto, cujos rendimentos económicos fôrom destinados à conta que tenciona evitar que o companheiro Alexandre poda entrar na cadeia por despregar umha faixa alusiva à indesejável presença militar espanhola na comarca de Ponte Vedra. A aplicaçom arbitrária da normativa legal contra a violência nos estádios serviu para aplicar a vingança legal contra quem vem protagonizando numerosas iniciativas antimilitaristas nessa comarca, nomeadamente contra a Brilat.

Mostramos algumhas imagens facilitadas por colaboradoras do nosso portal assistentes ao concerto em Ferrol.