Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Em destaque

BRIGA organiza em Ferrol concerto solidário com Alexandre Rios

Segunda-feira, 11 Janeiro 2010

Para este sábado, dia 16 de Janeiro, está agendado o concerto que os ex-Inadaptats, agora chamados Eina, protagonizarám no Centro Social da Fundaçom Artábria, em Ferrol, em solidariedade com Alexandre Rios, condenado a prisom por participar em protestos contra a presença da BRILAT em Ponte Vedra. O preço do concerto (10 €) inclui um contributo em apoio da campanha de angariaçom de fundos para evitar a entrada em prisom do jovem militante.

Contod, BRIGA explicou que, com esta iniciativa, “quer ir mais lá da mera arrecadaçom de fundos, e denunciar publicamente a perseguiçom de direitos fundamentais como a liberdade de expressom e manifestaçom que estes processos tentam suspender”.

A juventude trabalhadora organizada está a ser umha vítima permanente dos ataques repressivos totalmente desproporcionados, inclusive a partir da sua lógica legal, por parte do Estado espanhol. BRIGA tem claro que “tenta afogar a resistência em multas e montagens judiciárias como a que agora se propom sequestrar a Alexandre.”

Além do referido grupo catalám, no concerto actuarám também os galegos Arenga. Será a partir das 22 horas deste sábado.

Para adquirir o teu bilhete e colaborar com esta causa solidária, dirige-te a qualquer dos seguintes pontos de venda:

– Ferrol: Fundaçom Artábria.

– Pontedeume: C.S.O. A casa da Estaçom.

– Corunha: C.S. Gomes Gaioso, Bar Faluya.

– Carral: Pub O garaxe.