Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Nacional, Notícias

Universidade de Compostela homenageia o capital privado com a ‘Medalha de Mecenas’

Domingo, 10 Janeiro 2010

A entidade estudantil da esquerda independentista AGIR denuncia no seu site o novo prémio instituído pola equipa reitoral compostelana, dirigida a agradecer o financiamento privado de projectos universitários, através da Medalha do Mecenas, entregue a finais do passado mês de Dezembro ao presidente da Fundaçom Barrié de la Maza, dependente do Banco Pastor.

O motivo do prémio é, polos vistos, a “desinteressada” ajuda à Universidade compostelana em numerosos projectos e serviços. Para AGIR, os governantes da USC esquecem que em pleno saque de fundos públicos polo capital financeiro, é pouco crível o “desinteresse” de quem durante décadas se tem significado polas actividades especulativas e destruidoras do País, à custa do seu povo trabalhador.

O estudantado independentista interpreta, de maneira realista, que o grande capital penetra nas universidades para fazer “ajudas” com o dinheiro roubado e assim ganhar influência e poder no ámbito académico e de investigaçom, beneficiando-se da orientaçom dos projectos que apoia.

AGIR denuncia a “amizade de banqueiros, governos, políticos e reitores”, sugerindo a melhor soluçom a tam grave problema: “Que se vaiam todos os bancos da Universidade!”