Dous militantes da organizaçom juvenil independentista BRIGA no sul da Galiza fôrom detidos ontem à noite por elementos da Polícia espanhola, supostamente acusados de fazerem pintadas contra a crise económica e os seus efeitos na juventude trabalhadora galega. Os dous jovens independentistas fôrom conduzidos a umha esquadra policial da cidade e o carro que conduziam requisado. Estava previsto que ambos declarassem ao longo da manhá de hoje nos tribunais de Vigo.

A organizaçom juvenil BRIGA está a dar cobertura aos dous companheiros, que passárom a noite detidos na esquadra, e anunciou umha concentraçom de apoio aos dous no momento de serem conduzidos aos tribunais para declarar. Nas próximas horas, a própria BRIGA informará sobre a evoluçom deste episódio repressivo no seu site. Também nós acompanharemos os acontecimentos que se produzirem.