Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Nacional, Notícias

Disponível por fim o site antigo do nosso partido, com toda a informaçom entre Maio de 2002 e Março de 2009

Sábado, 19 Setembro 2009

Desde a activaçom da versom 2.0 do nosso site político-informativo, um problema técnico referente ao site antigo impediu-nos disponibilizar os milhares de páginas que constituem o importante trabalho formativo e informativo realizado na Internet polo nosso partido entre os anos 2002 e 2009. O nosso foi no seu dia um dos primeiros espaços partidários galegos na rede, conseguindo a adesom de um importante número de visitantes em todos estes anos e por isso, com altos e baixos, temos crescido desde a activaçom do site originário, no dia 31 de Maio de 2002.

Por todo o anterior, era importante para nós, desde que surgiu o problema, coincidindo com o lançamento do novo formato de Primeira Linha em Rede, recuperarmos o acesso ao trabalho feito durante todos estes anos. Som muito numerosos os trabalhos teóricos, artigos, livros, obras clássicas do marxismo, traduçons inéditas para o galego, artigos de actualidade sobre as luitas sociais na Galiza, etc, que dérom corpo a este espaço informativo e que por fim podem ser novamente consultados com comodidade.

Já que, pola primeira vez nos últimos seis meses, funciona o banner da coluna à direita que anuncia a entrada no web velho, animamos todos e todas as nossas visitantes a dar-lhe umha vista de olhos através da página de acesso, que está como ficou no último dia de actividade, o 18 de Março deste mesmo ano 2009. Aí dentro está umha parte importante das informaçons e análises comunistas e independentistas desenvolvidas nos últimos sete anos de história da Galiza, entre Maio de 2002 e Março 2009.