A heroica rebeliom popular do povo trabalhador chileno contra o regime postpinochetista, é um exemplo a seguir, um referente de luita para todos os povos do mundo.

O direito à rebeliom nom só é legítimo, é umha necessidade dos oprimidos para acabar com a dominaçom a que somos submetidos polas lumpemoligarquias locais, ao serviço do imperialismo.

Desde a Galiza rebelde e combativa, Primeira Linha manifesta a sua solidariedade com Hugo Gutiérrez, deputado do Partido Comunista do Chile, quem está sendo submetido a umha campanha de perseguiçom política polas forças reacionárias e fascistas chilenas, visadas a retirar a sua condiçom de representante popular.

A decisom adotada polo Tribunal Constitucional chileno em admitir a trámite a solicitude de destituiçom da sua ata parlamentar por “incitaçom à violência”, é mais umha expressom da ditadura vernizada de democracia que padece o Chile, e da tentativa de acalar as vozes que se alinham com as reivindicaçons operárias e populares.

Transmitimos a solidariedade do comunismo revolucionário galego com o camarada Hugo Gutiérrez, solicitando o imediato cessamento da campanha de perseguiçom e acossa política que padece polo seu coerente apoio à exemplar luita do povo trabalhador e empobrecido do Chile contra o governo de Sebastián Piñera.

A luita é o único caminho!

A solidariedade é a ternura dos povos!

Primeira Linha, Galiza, 30 de janeiro de 2020