Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Em destaque

CONFERÊNCIA INTERNACIONAL Reconstruirmos a esquerda revolucionária para promover a Revoluçom Socialista/Comunista

Sexta-feira, 7 Junho 2019

CONFERÊNCIA INTERNACIONAL
Reconstruirmos a esquerda revolucionária para promover a Revoluçom Socialista/Comunista

Coincidindo com o 100 aniversário da fundaçom da III Internacional, Agora Galiza-Unidade Popular, convoca 24 de hulo, em Composyela, na capital da Galiza, umha Conferência Internacional de forças e partidos revolucionários socialistas e comunistas para analisarmos e refletirmos coletivamente sobre três temas.

1-OBJETIVOS
1º- Avaliar a situaçom internacional: agravamento da crise do capitalismo senil, incremento da ofensiva imperialista, retrocesso da luita de classes, avanço do fascismo e das alternativas autoritárias no quadro das democracias burgueses em plena involuiçom reacionária.

2º- Urgente necessidade de depurar o marxismo da grotesca desnaturalizaçom e contaminaçom que arrasta, desmascarando a hegemonia pequeno-burguesa nos partidos e organizaçons que se reclamam seguidoras de Marx e Lenine, causante de agirem como eficazes e funcionais muros de contençom das rebeldias, corresponsáveis das derrotas populares, da esterilizaçom e adulteraçom das revoluçons de inspiraçom socialista nos séculos XX e XXI.

Contribuir a detetar as origens, examinar e estudar as causas que provocam a impossibilidade de implementar a via revolucionária e socialista, porque a prática totalidade das forças revolucionárias renunciárom aos objetivos fundacionais, adatando-se à lógica parlamentar burguesa e à estratégia gradualista de remendos do capitalismo, provocando os demoledores estragos ideológicos do presente.

É necessário restaurar os fundamentos do anticapitalismo de inspiraçom socialista/comunista.

O marxismo deve ser expurgado das amórficas leituras e das deturpadas implementaçons das diversas formas de reformismo e revisioninismo que esvaziárom o seu conteúdo subversivo.

3º- Assentar as bases teórico-práticas que permitam contribuir à reconstruçom da esquerda revolucionária socialista/comunista nas nossas respetivas formaçons sociais, mas também a escala internacional.

Vigência e atualidade do internacionalismo proletário. Necessidade da coordenaçom internacionalista da luita obreira e do povos pola sua soberania e independência nacional, pola Revoluçom Socialista/Comunista.

2-DATA E HORÁRIOS
•Quarta-feira 24 de julho

•Sessom manhá: 11h a 14.30.
•Recesso para jantar 14.30 a 16.30.
•Sessom de tarde: 16.30 a 20.30.

3- METODOLOGIA
•Prazo máximo de apresentaçom de teses e comunicaçons: 14 de julho.

•Devem ser encaminhadas a agoragaliza@gmail.com