Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Em destaque

Saudaçom de Primeira Linha ao Partido Comunista Paraguaio no seu 90 aniversário

Quinta-feira, 22 Fevereiro 2018

 

SAUDAÇOM DE PRIMEIRA LINHA AO PARTIDO COMUNISTA PARAGUAIO NO SEU 90 ANIVERSÁRIO

Estimad@s camaradas do Partido Comunista Paraguaio:

É umha enorme satisfaçom poder-vos saudar no 90 aniversário da fundaçom da vossa organizaçom revolucionária.

Somos conscientes das difíceis nove décadas de luita incansável na defesa de explorados e oprimidas, por acumular forças obreiras e camponesas, por organizar e elevar o nível de consciência do povo trabalhador paraguaio na direçom de preparar a Revoluçom Socialista.

Primeira Linha, partido comunista combatente, patriótico e revolucionário galego, transmite-vos a nossa mais sincera solidariedade, a nossa amizade mais calurosa, desejando-vos enormes êxitos no combate contra o capitalismo e o imperialismo.

Som tempos complexos para quem nom arriamos as bandeiras do marxismo-leninismo, para quem seguimos firmes defendendo com coerência que frente às fraudulentas políticas “progressistas” de reformar o capitalismo, a única alternativa é a Revoluçom Socialista.

No ano que comemoramos 170 aniversário da publicaçom do “Manifesto do Partido Comunista”, a coordenaçom dos partidos e organizaçons revolucionárias é umha necessidade ineludível.

Necessitamos pois encontrar-nos, compartilhar experiências, debater e unificar critérios de intervençom global para aplicar criativamente nas nossas particulares realidades nacionais.

Longa vida ao PCP!

Viva o PCP!

Comunismo ou caos!

Galiza, 21 de fevereiro de 2018