Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Notícias

Comunicado do MCB sobre planos ingerencistas da OEA na Venezuela

Quinta-feira, 2 Junho 2016

mcb_banderaComunicado do Comité Executivo do MCB

NOM MAIS INGERÊNCIA IMPERIAL!

TODA A PÁTRIA GRANDE COM A VENEZUELA

Com indignaçom e firmeza rejeitamos a solicitude apresentada polo Secretário da OEA, Luis Almagro, na qual invoca o artigo 20 da Carta Democrática Interamericana, com a “velada” intençom de estimular um Golpe de Estado na República Bolivariana da Venezuela e enterrar o processo revolucionário que foi encabeçado polo Comandante Hugo Chávez desde 1998.

As forças políticas que conformamos o Movimento Continental Bolivariano (MCB), com presença em vários países da Nossa América e o mundo, desde os nossos respetivos lugares de luita somamo-nos à defesa e solidariedade ativa e combativa com o irmao povo venezuelano.

Sem dúvida, o nome de Almagro tem sido instalado na oscura galeria de lacaios do imperialismo que tanto dano tenhem gerado o longo da história dos nossos povos. Repudiamos atitudes genuflexas como esta e reafirmamos a nossa defesa da Revoluçom Bolivariana, entendendo que a integraçom das luitas populares pola libertaçom da Nossa América como Pátria Grande, é o caminho para atingir a verdadeira independência dos nossos povos.

Reconhecemos com admiraçom o ingênio, a criatividade, a disciplina, a organizaçom e a combatividade do povo venezuelano, na total segurança que a Revoluçom Bolivariana deve aprofundar na luita pola libertaçom nacional e o socialismo de base.

Na Venezuela cresce dia após dia o exemplo da democracia como expressom real da vontade das maiorias, umha democracia que se tem exprimido em avanços concretos na saúde, educaçom, vivenda, trabalho, segurança social e alargamento geral de direitos para o povo trabalhador. É este exemplo, o que vem sendo confrontado e sabotado polo capital transnacional liderado polo imperialismo norteamericano, utilizando de maneira permanente umha campanha global de mentiras e enganos.

Fazemos um apelo às organizaçons políticas, movimentos populares, revolucionários e revolucionárias, aos bolivarianos e anti-imperialistas do continente, a fechar filas na  defesa da revoluçom bolivariana, frente a este novo ataque imperial, sumando-nos com diferentes expressons de solidariedade e repúdio perante este novo ataque ingerencista.

A Pátria Grande constroi-se dia a dia em cada um dos nossos povos e na solidariedade internacionalista que fazemos nossa no MCB.

Nom ao ingerencismo norteamericano!

Solidariedade com a Pátria de Bolívar e Hugo Chávez!

Najeeb Amado, Carlos Casanueva, Narciso Isa Conde e Carlos Morais

Polo Comité Executivo do MCB

A Nossa América, 1 de junho de 2016