Os resultados eleitorais de 26 de Abril confirmam um importante avanço da esquerda revolucionária dos povos do Ecuador. O processo constatou a contundente e inédita vitória de Rafael Correa na primeira volta, quem com 51.95%, 3.584.236 votos superou aos candidatos da direita, Lucio Gutierrez, que atingiu 1.948.167 sufrágios (28.24%) e Álvaro Noboa que num terceiro e afastado terceiro posto conseguiu 11,44%, 789.021 votos.

Os povos do Equador novamente votárom a favor da mudança, das transformaçons económicas, políticas e sociais derrotando mais umha vez o discurso anticomunista e do medo promovido pola direita.

Como a representaçom eleitoral do movimento Acordo PAIS diminui em relaçom à atingida na Assembleia Constituinte, a bancada oficialista necessitará dos votos do MPD para ter umha maioria sólida.

A esquerda revolucionária logrou um importante incremento, de cem por cento, conseguindo 6 representantes na Assembleia Nacional, assim como nas Cámaras Municipais.

A campanha do MPD girou à volta da palavra de ordem Pátria Nova e Socialismo, incidindo na ideia de que a mudança democrática pode e deve transformar-se em mudança social, que o socialismo é umha possibilidade e umha necessidade.

Tal como já manifestou o MPD, a esquerda revolucionáia equatoriana manterá o “apoio crítico o governo de Rafael Correa, o apoio –com mobilizaçom popular nas ruas- a toda medida que apontar para golpear a ingerência imperialista e os privilêgios das classes dominantes crioulas, toda medida que reivindicar os direitos políticos e as necessidades materiais dos trabalhadores e os povos do Equador; mas, por su vez, a disposiçom a confrontar quanta medida e acçom governativa que contrariar a natureza política do projecto de mudança que vive o Equador”.

Primeira Linha manifesta a sua satisfaçom por este cenário político, o que já transmitiu ao MPD para que, com o conjunto das forças sociais e populares, continue avançando na profundizaçom do processo revolucionário e anti-imperialista.