Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Nacional, Video

Galiza pola Soberania denuncia espanholismo

Domingo, 13 Outubro 2013

A entidade suprapartidária Galiza pola Soberania (GPS) despregou às 12.30 horas de onte, 12 de outubro, faixas em prol da soberania da Pátria em diferentes pontos do país.

Centenares de pessoas, esencialmente militantes da esquerda independentista e nacionalista, sindicalistas e ativistas dos movimentos sociais, arroupárom com concentraçons de apoio umha iniciativa desenvolvida em lugares emblemáticos como a fachada do Obradoiro de Compostela, a porta do Sol de Vigo, a Torre de Hércules da Corunha, a ponte romana de Ourense, no Baluarte de Ferrol, ou as muralhas romanas de Lugo.

Com estas açons a GPS denunciava o “Dia da Hispanidade” ou “Dia da Raza” por parte de Espanha, reivindicando assim a liberdade nacional da Galiza.

Todas as açons fôrom gravadas em vídeo que será divulgado proximamente.

Vídeo, site e redes sociais

A GPS está formada por um grupo promotor de 200 membros, dotada de um manifesto fundacional e uns objetivos bem definidos, a conquista de “um Estado galego, antipatriarcal, social, laico e radicalmente democrático com base numha república para construir, de maneira pacífica e solidária, umha sociedade justa, livre e verdadeiramente igualitária”.

A iniciativa constituida formalmente num Plenário Nacional realizado 6 de julho em Compostela e apresentada publicamente numha multitudinária conferência de imprensa 20 de julho, também lançou online um vídeo configurado por dúzias de mini-vídeos gravados nos mais diversos pontos da nossa geografia nacional ou polas comunidades da emigraçom galega em diversos continentes.

A GPS também estreava onte site, twitter e facebook.

Assembleias abertas

Ao longo das vindouras semanas estám convocadas assembleias abertas para configurar territorialmente a iniciativa e desenvolver a folha de rota que a GPS tem aprovada.