Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Notícias

NÓS-Unidade Popular realiza açom de denúncia contra os responsáveis polo acidente ferroviário

Sexta-feira, 9 Agosto 2013

Militantes de NÓS-Unidade Popular protagonizárom um ato de denúncia contra os responsáveis polo acidente de Angrois (que causou 79 vítimas mortais), diante da sede do Partido Popular na localidade de Mos, na comarca de Vigo.

@s concentrad@s estendêrom umha faixa com a legenda “Rajói, Feijó responsáveis” e colarom umha outra faixa na fachada do local com o lema “Ilegalizar o Partido Popular”. Coreárom também palavras de ordem alusivas à responsabilidade de Rajói e pedindo a demissom tanto do atual presidente do governo espanhol como do presidente da Junta.

Este ato enquadra-se na linha seguida por NÓS-UP desde o começo, denunciando que as causas do acidente nom estám em erros nem casuísticas humanas tais como distraçons, chamadas de telefone ou conduçom sob efeitos das drogas ou o álcool, mas em deficiências estruturais devidas a decisons políticas e também no processo prévio à privatizaçom da RENFE, que entre outras cousas traz como conseqüência a precarizaçom das condiçons laborais do pessoal da Renfe e da ADIF. A isto há que somar essa constante na açom de qualquer governo espanhol, que é o desprezo pola Galiza e a sua sistemática discriminaçom.