Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Nacional, Notícias

Juventude soberanista e independentista galega apresenta manifestaçom unitária de 24 de julho

Terça-feira, 2 Julho 2013

Na manhá da terça-feira 2 de julho tivo lugar na praça compostelana de Pratarias, a apresentaçom pública em conferência de imprensa da manifestaçom independentista unitária de 24 de julho.

Tal como informárom as oito entidades juvenis e estudantis convocantes, a manifestaçom convocada sob o legenda “Mocidade galega erguendo o seu futuro, independência!”, tem a saída prevista para as 20 horas da Alameda de Compostela, e após um percorrido polas ruas do casco velho finalizará com um ato político nunha praça ainda por determinar.

Adiante, AGIR, AMI, BRIGA, Comités, Galiza Nova, Isca! e Liga Estudantil Galega animárom à mocidade galega consciente a saír unida à rua para rejeitar o quadro jurídico-constitucional vigente e reivindicar para Galiza a plena soberania e independência nacional.

No ato foi apresentado o manifesto conjunto assinado polas organizaçons convocantes onde se denúncia a situaçom extrema que estám a padecer as moças e moços galegos, fruto da dominaçom que o patriarcado, o sistema capitalista e o Estado espanhol, exercem sobre as suas vidas e sobre o direito a decidirmos como povo.

Tal como se assinalou na conferência e imprensa “as organizaçons participantes consideram esta convocatória unitária como un passo mui importante na unidade de açom de quem desde a auto-organizaçom juvenil e estudantil defendem um projeto de libertaçom nacional e transformaçom social, conscientes de que o combate unitário a favor da independência é a única via de futuro que tem a nossa naçom para sair da devastaçom económica, social e cultural que padece polo capitalismo espanhol”.

Antes de finalizar o ato de apresentaçom,e  tal como se pode observar nas fotos a polícia local realizaou labores de identificaçom de um ato meramente informativo, seguindo a lógica repressiva que aplica o corrupto governo municipal do PP de Compostela.

Primeira Linha saúda esta iniciativa tam positiva para que o futuro da nossa naçom poda fazer frente com mais eficácia e força à maior ofensiva espanholista contra a nossa Pátria e a nossa classe.

Mais informaçom consultar web de BRIGA onde se pode aceder o manifesto unitário.