Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Em destaque, Video

Carlos Morais entrevista Iván Márquez. “Apelo o povo galego para que luite coeso e unido”

Sexta-feira, 22 Março 2013

No quadro da delegaçom de paz do Movimento Continental Bolivariano (MCB) que visitou Havana em meados de fevereiro, para conhecer em primeira mao o processo de negociaçom de paz entre as FARC-EP e o governo colombiano, o Secretário-geral do nosso partido entrevistou o comandante Iván Márquez.

Na entrevista, realizada em galego por Carlos Morais e cedida em exclusiva ao Diário Liberdade, o membro do Secretariado das FARC e Chefe da Delegaçom de Paz da insurgência comunista e bolivariana colombiana, analisa o processo de negociaçom em curso, debulhando as chaves fundamentais do conflito social, político e armado que confronta a oligarquia com os setores populares.

No trecho final da entrevista, que dura 24 minutos, Iván Marquez transmite a solidariedade das FARC com a luita de libertaçom nacional galega pois “estamos com o povo galego de coraçom”. O comandante fariano afirma que “os guerrilheiros e guerrilheiras das FARC sabem dessa luita que vocês livram lá, estám com o povo galego” pois em “todos os acampamentos das FARC se sabe que na Europa existe essa luita”.

“O nosso coraçom está com o povo galego que luita pola sua independência, pola sua liberdade”

Na entrevista o dirigente guerrilheiro colombiano agradece ao nosso partido a solidariedade com a luita colombiana, manifestando que “como neste caso a solidariedade é recíproca, sentimo-nos admirados pola solidariedade do povo galego com a nossa luita”.

Na importante entrevista realizada na cidade de Havana, que define como “capital continental da paz”, Iván Márquez finaliza com um “apelo o povo galego para que luite coeso e unido” pois “necessitamos a unidade para podermos avançar”.

Carlos Morais entrevista a Iván Marquez na Havana from Diario Liberdade on Vimeo.