Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Notícias

Capítulo Galiza do MCB apoia a visita de Narciso Isa Conde a Cuba para contribuir para a Paz na Colômbia

Sexta-feira, 22 Fevereiro 2013

Capítulo Galiza do Movimento Continental Bolivariano vem de publicar no seu sítio na rede um comunicado manifestando o seu apoio à visita de Narcisco Isa Conde, membro da presidência coletiva do MCB, a Cuba para conversar com a delegaçom das FARC-EP sobre a paz na Colômbia.  Polo seu interesse reproduzimos o comunicado.

Capítulo Galiza do MCB apoia a visita de Narciso Isa Conde a Cuba para contribuir para a Paz na Colômbia

A visita que está a realizar a Havana, Cuba, Narciso Isa Conde, Presidente do Movimento Continental Bolivariano (MCB), para conversar com a delegaçom das FARC-EP sobre a paz na Colômbia, é umha decisom acertada e necessária.

Acertada, porque compromete a esquerda revolucionária anticapitalista no processo de diálogo por umha saída negociada o profundo conflito político, social e armado que no último meio século confronta o povo colombiano e a sua insurgência armada, contra a oligarquia vendepátrias santanderista, hoje mutada em uribista santista.

Acertada, porque transmite publicamente o que o MCB leva anos a defender: A Colômbia desangra-se de povo e de recursos porque o bloco de classes dominantes, seguindo os desígnios dos Estados Unidos, se lucra da brutal guerra contra as massas populares e dos imensos negócios vinculados com o conflito político-militar e a entrega do País as multinacionais mineiro-energéticas e agro-industriais.

Necessária, porque é imprescindível que a esquerda política e social da América Latina e das Caraíbas, e do conjunto do mundo, nos envolvamos num processo cujo êxito está condicionado polo apoio às reivindicaçons dumha nova Colômbia em paz, com justiça social e plena soberania, que reclamam as FARC-EP e o conjunto do movimento popular.

O Capítulo Galiza do MCB agradece ao camarada Narciso Isa Conde a sua coragem e valentia por viajar a Cuba a entrevistar-se com a Delegaçom de Paz das FARC-EP, e transmite o abraço fraternal dos povos, @s trabalhador@s, mulheres e jovens do mundo que, tal como as FARC, luitamos nas nossas respetivas trincheiras polos mais belos ideais da Humanidade: superar o modo de produçom capitalista e as diversas e brutais opressons que dele emanam.

A Galiza rebelde e combativa saúda Narciso Isa Conde, transmite-lhe todo o seu apoio e deseja-lhe grandes êxitos na sua missom de contribuir para a paz com justiça social e soberania para a Colômbia de Bolívar e Manuel.

Até a vitória sempre!
Antes mort@s que escrav@s!

Galiza, 20 de fevereiro de 2013

-->