Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Nacional, Notícias

Pessoal de Cimentos Cosmos em Sárria mobiliza-se polo emprego com o apoio da vizinhança e companheiros das empresas auxiliares

Terça-feira, 13 Novembro 2012

Nesta quinta-feira começava um intenso calendário de mobilizaçons em Sárria, em defesa da continuidade da fábrica de cimentos que a multinacional brasileira Cosmos possui naquela localidade. Durante a primeira jornada de luita, houvo um corte no caminho de ferro para empecer a chegada de um comboio com sacos de cimento para distribuir no mercado galego desde a fatoria sarriana, procedente de umha outra fábrica da multinacional sediada na localidade leonesa de Toral de los Vados.

Os protestos tenhem a sua raíz na comunicaçom por parte da direçom da empresa de apresentar um ERE de crise para a fábrica de Sárria, um ERE que os representantes dos trabalhadores no Comité de Empresa acham injustificado e que temem se materialize num fechamento. De facto, denuncia-se que a própria multinacional está a provocar a inviabilidade económica da fatoria sarriana e, recentemente, a direçom decidiu trasladar a máquina ensacadora que funcionava em Sárria para Toral de los Vados. A partir de entom, a fábrica de Cimentos Cosmos em Sárria apenas se dedica à produçom de cimentos a granel, sendo em Toral de los Vados onde se produz o cimento distribuído em sacos.

Para a terça-feira 13, os trabalhadores tenhem prevista umha reuniom com o Diretor Geral de Indústria da Junta, à que possivelmente assista também o Conselheiro, para abordarem a continuidade de umha fatoria que leva já cinco décadas de atividade. Para o dia 24 de Novembro às 20 horas, há convocada umha manifestaçom pola vila de Sárria.