Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Internacional, Nacional, Notícias

Partido Popular confirma que nova queda salarial está na agenda

Segunda-feira, 13 Agosto 2012

Na linha das conclusons do informe do Banco Central Europeu que se deu a conhecer na passada semana, um dos porta-vozes do Partido Popular afirmou que o governo espanhol está disposto a implementar novas medidas que prolonguem a grave queda salarial que sofrem os trabalhadores e trabalhadoras no Estado espanhol.

O informe do BCE dado a conhecer há poucos dias prognosticava umha severa queda da remuneraçons por salário, provocada polos efeitos dos cortes que afetavam as administraçons públicas e a reduçom do espaço para a reivindicaçom de aumentos salariais provocada pola reforma laboral. O BCE, com as suas reclamaçons de novas medidas de “moderaçom” salarial, volta a exercer de porta-voz da burguesia para exigir umha maior degradaçom das condiçons de vida da classe trabalhadora sobre as quais sustentar maiores lucros.

Pola sua parte, o Partido Popular nom duvida exercer o seu papel de força auxiliar dos interesses que guiam o Banco Central Europeu e que servirám para cumprir o programa ditado pola burguesia espanhola, o qual se traduzirá numha nova reduçom salarial, desmantelamento do que ficava da proteçom social e reforma do Estado em termos de recuperaçom de competências para o poder central.