Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Nacional, Notícias

Subsídios europeus para o desmantelamento definitivo do naval galego

Sexta-feira, 10 Agosto 2012

O naval galego enfrenta umha nova reconversom que ameaça com desmantelar definitivamente um dos setores chave da economia galega e, como já ocorreu no passado, as instituiçons europeias serám protagonistas do processo.

A Comissom Europeia, em resposta a umha petiçom expresa do governo espanhol, propujo destinar subsídios para a recolocaçom dos mais de 1.200 trabalhadores e trabalhadores do setor naval. Os subsídios partiriam do Fundo Europeu de Adaptaçom à Globalizaçom, um ilustrativo título para um programa que sem rubor algum procura engraxar com dinheiro comunitário as pulsons de um irracional mercado que procura em zonas com um alto nível de desproteçom operária, preços mais baratos que os oferecidos no naval galego.

O naval galego enfrenta umha nova reconversom selvagem intimamente conectadas com as que sofreu com anterioridade tanto polos seus efeitos traduzidos em milhares de empregos destruídos como polo quadro e motivaçons em que se desenvolve.

A luita obreira articulada contra o ataque ao nosso setor industrial serviu como pulo definitivo à vocaçom de massas do sindicalismo nacional e de classe que optou corretamente por estender e intensificar o conflito. Seria recomendável que a atual direçom sindical tomasse nota da audácia e decisom que caracterizou a resposta operária naquela altura com uns meios muito mais precários que com os que actualmente conta, e optasse por tomar a rua sem tutelas e condicionantes de nengumha classe.