Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Internacional, Nacional, Notícias

Governo espanhol alardea de precarizaçom laboral da juventude

Segunda-feira, 30 Julho 2012

A ministra espanhola de Emprego e de Seguridade Social, Fátima Bañez, alardeou a passada semana das medidas em matéria de contrataçom dirigidas aos jovens adoptadas polo governo e que incidirom na precariedade que caracteriza a situaçom laboral deste colectivo especialmente golpeado pola crise.

A ministra alardeou de medidas dirigidas a juventude, tais como a o contrato de apoio a emprendedores ou as reformas introduzidas no contrato de formaçom e aprendizagem, que permite alargar a situaçom de inestabilidade e precaridade que sofrem os moços e moças e, ademais, non servirom para frear a histórica taxa de desemprego juvenil.

Mas o governo continua a insistir na mesma fórmula que possibilita força de trabalho barata à patronal e anuncia novas estrategias de “emprendemento e emprego”. A juventude será o alvo principal das reformas que procuram difuminar o objecto dos dereitos laborais conquistados. As louvas ao emprendedor e os chamados ao emprendemento tenhem como objectivo popularizar fórmulas de trabalho dependente mas nom subordinado, no que as obrigas empresariais fiquem definitivamente eliminadas.