O informe mensal elaborado polo Instituto Nacional de Estatística indica umha nova queda do Índice de Produçom Industrial na Galiza no mês de abril. A taxa interanual amosa um alarmante descenso do 8,9% com respeito ao mês de abril de 2012, superior à queda no conxunto do Estado espanhol que é do 8,2%.

Ademais, à gravidade desta queda sostida do IPI na Galiza, há que engadir-lhe os dados de contrataçom no sector industrial que, no território da Comunidade Autónoma, descendem dos 4.920 do mês de abril passado ano, dos quais um 17,48% eram indefinidos, a os 4.121 deste ano, dos quais só um 13,25 forom de carácter indefinido.

O desemprego tamém continua a aumentar na industria na Galiza. Segundo dados do SEPE, o desemprego do mês de abril de 2011 ao deste ano o desemprego aumentou um 13,5, dos 37.363 aos 42.412.

Ainda a pesar da gravidade dos dados, a fria estatística nunca logrará transmitir as dimensons da crise social que provoca o desmantelamento do sector industrial galego. O naval na comarca de Trasancos e Vigo som os maiores exponhentes das graves conseqüências que para Galiza e a classe trabalhadora galega terám a culminaçom dos planos de desmantelamento ordenados desde Bruxelas e que os governo espanhol e galego, aplicam com a maior das diligências.