Os efeitos da crise e as políticas antissociais por que optárom os governos estatal e autonómico, assim como as corporaçons locais, para manter os lucros empresariais, provocarom na Galiza umha situaçom de autêntica emergência social. Se esta é umha situaçom de por si constatável, informes de diversas entidades e instituiçons projetam luz sobre a verdadeira dimensom de umha crise que o sistema insiste em fazer pagar às trabalhadoras e trabalhadores em forma de perda de poder aquisitivo, desemprego estrutural e reformas regressivas.

Recentemente um informe da Cruz Vermelha alertava sobre as dramáticas conseqüências da fenda salarial no nosso país. Assim, se em 2007 a distáncia entre os 20% mais ricos e os 20% mais empobrecidos era de 5,3 pontos, a finais de 2010, a diferença já aumentara até os 6,9 pontos. Na Galiza, a crise e as políticas anti-obreiras de PSOE e PP conseguiram incrementar a diferença entre ricos e empobrecidos em 24%.

O desmantelamento do chamado estado social tranformou a exclusom social numha ameaça real. O desemprego, os cortes em sanidade, as rebaixas das pensons ou a generalizada perda de poder aquisitivo estám a provocar un retrocesso social histórico, que ameaçam milhares de trabalhadores e trabalhadores galegos com a desproteçom e a pobreza.

Informes como o da Cruz Vermella ou os dramáticos dados feitos públicos hoje mesmo por UNICEF segundo os quais 2,2 milhons de crianças vivem no Estado espahol abaixo do limiar da pobreza, 205.000 mais que há dous anos, som a melhor prova da magnitude dos reptos que enfrentamos.