Reproduzimos a comunicaçom que o nosso partido fixo chegar às e aos promotores da “Marcha Patriótica” que nas próximas horas chegará à Praça de Bolivar em Bogotá. Toda informaçom sobre esta marcha assim como o da  constituiçom do “Consejo Patriótico” pode ser consultada no web: www.marchapatriotica.org.

Camaradas:

Saudamos a grande mobilizaçom popular promovida polo conjunto de organizaçons englobadas na “Marcha Patriótica” que hoje percorre as ruas de Bogotá e que neste fim de semana se constitui no movimento político e social “Consejo Patriótico”.

A Colômbia necessita urgentemente umha saída ao conflito social, político e armado que enfreta a oligarquia pró-imperialista contra os povos trabalhadores e todos os setores populares excluídos e explorados. A paz com justiça social é a única alternativa possível.

A mobilizaçom e a permanente luita política e social permitem avançar para a segunda e definitiva independência, seguindo o caminho traçado por Bolívar. Ocupar novos espaços como fazedes hoje, desafiando o regime narco-para-terrorista de Uribe e Santos é um ato heroico em que nos sentimos refletidas as revolucionárias e revolucionários galegos.

A unidade dos povos da América e do resto do mundo contra a barbárie capitalista deve ser ativada num grande Congresso Anfictiónico dos Povos oprimidos e explorados.

Da Galiza rebelde e combativa, enviamos umha forte saudaçom revolucionária, anti-imperialista e internacionalista, e desejamos grandes êxitos nas vossas luitas, que também som as nossas.

Comité Central de Primeira Linha