Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Nacional, Notícias

XVI ediçom das Jornadas Independentistas Galegas abordam crise capitalista e insurreiçom popular

Segunda-feira, 19 Março 2012

A profunda crise que afecta ao centro do capitalismo ainda nom tocou fundo. Contrariamente às promesas dos governos a situaçom continua agravando-se. Os organismos internacionais do imperialismo e o eixo franco-alemám seguem impondo duríssimas medidas de “ajustamento” à classe trabalhadora, às mulheres e aos povos periféricos.

Conhecer a fundo as caraterísticas da atual crise em pleno desenvolvimento é tam importante como dotar-se de umha estratégia coerente de luita popular anticapitalista. Para o seu sucesso é imprescindível a construçom de amplas ferramentas de organizaçom e combate.

A XVI ediçom das Jornadas Independentistas Galegas pretende contribuir para responder a algumhas das inquietaçons e desafios que inevitavelmente @s comunistas galeg@s temos que abordar e resolver no dia a dia da nossa atividade e intervençom.

Sob a legenda “Crise capitalista e insurreiçom popular” terá lugar sábado 21 de abril no centro social O Pichel de Compostela a XVI ediçom das Jornadas Independentistas Galegas.

Nesta ocasiom o programa conta com a presença de dous conhecidos economistas da esquerda anticapitalista: Jorge Beinstein e Miren Etxezarreta, e dous destacados revolucionários comunistas: Carlos Casanueva Troncoso e  Miguel Urbano Rodrigues.

Duas palestras e um debate

Às 11 horas dará início a primeira palestra: “A crise do capitalismo”, com a presença do economista argentino Jorge Beinstein, professor titular das cátedras livres “Globalizaçom e Crise” nas universidades de Buenos Aires e Córdoba (Argentina) e da Havana (Cuba), e de Miren Etxezarreta, catedrática emérita de Economia da Universidade Autónoma de Barcelona e membro do Seminário de Economia crítica Taifa.

Às 16.30 horas terá lugar a segunda palestra. Intitulada “A necessidade da insurreiçom popular” contará com Carlos Casanueva Troncoso, militante do Partido Comunista do Chile (PCCH) e secretário-geral do Movimento Continental Bolivariano (MCB), que estará acompanhado polo jornalista e militante do Partido Comunista português (PCP) Miguel Urbano Rodrigues.

As Jornadas finalizarám às 19.30 com o debate “Perspetivas da crise e desafios da luita popular” no que intervirám Jorge Beinstein, Carlos Casanueva, Miren Etxezarreta e Miguel Urbano.

-->