Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Notícias

BRIGA ocupa sede de NovaGaliciaBanco para denunciar a falta de vivenda para a juventude

Quarta-feira, 14 Março 2012

Na manhá de ontem, 13 de março, vári@s militantes de BRIGA realizávam em Compostela umha açom focada a denunciar o papel dos “bancos e as suas práticas especulativas assinalando-os como principais culpáveis das dificuldades que a juventude tem a dia de hoje para aceder a umha vivenda digna”.

O ato está enquadrado na campanha nacional sob a legenda “Rebelar-se no presente. Revelar o futuro” que @s jovens da esquerda independentista galega estám a desenvolver em distintas comarcas do país.

Tal e como fixo público BRIGA num comunicado, a açom tivo lugar a meia manhá numha das entidades que NovaGaliciaBanco tem na capital da Galiza, onde entre palavras de ordem e assobios, as e os jovens despregárom duas tendas de campismo, “dispostas a realizar umha ocupaçom simbólica da sucursal”.

Na açom que foi aplaudida por algumhas das pessoas que nesse momento realizavam gestons na entidade bancária, interviu umha companheira do Grupo de Base de Compostela que explicou os motivos do ato afirmando “a juventude trabalhadora nom tem que pagar umha crise em que os bancos e a sua prática de especulaçom financeira tivérom o papel protagónico, e deixando claro que é a banca quem está endividada com nós por roubar e especular com o direito à vivenda e as condiçons materiais da classe trabalhadora“.

A açom foi interrompida após 15 minutos de ocupaçom por diversas dotaçons da polícia espanhola que identificou a vári@s d@s jovens e exigiu o despejo do local.

BRIGA manifesta no seu comunicado que a juventude organizada acredita ” na importáncia de assinalar os culpáveis da difícil situaçom que está a viver a juventude trabalhadora galega e aguardamos que açons de denúncia e caráter reivindicativo como esta se espalhem por todo o país”.

Video da campanha

BRIGA também fixo público um video como suporte videográfico da campanha nacional “Rebelar-se no presente. Revelar o futuro”.

Durante os pouco mais de cinco minutos, que dura o video,  vári@s jovens expressam de forma breve e pedagógica qual é a sua motivaçom para luitar por umha Galiza livre, socialista e nom patriarcal em 2012. Disponibilizamos o video editado por BRIGA, que já superou as 500 visitas em apenas 3 dias.