No marco da operaçom de saqueio que o grande Capital está aplicar em Grécia, umha notícia passou desapercebida para os meios de comunicaçom empresariais. Depois de que o Parlamento grego aprovara no meio de umha grande contestaçom operária o pacote de medida exigido para que se figera efectivo o tramo do “resgate”, a Uniom Europeia reclamou ao governo grego um aforro extra de 325 milhons de euros que se somariam aos 3.300 já aprovados.

O governo grego apresentou umha primeira proposta de alcançar essa quantidade recurtando o gasto no orçamento destinado a gastos militares, que no meio de umha crise económica e social de gigantescas dimensons é dos mais abultados do espaço NATO. Concretamente em 2010  foi destinado o 3% do seu PIB a gastos militares, um total de 7.000 milhons de euros.

A proposta do governo grego encontrou-se com o rotundo rejeitamento do Eurogrupo, no que predominou os imensos interesses da industria armamentística alemana e francessa, principais destinatários de um desorbitado orçamento militar grego que, segundo algumhas fontes, este ano alcançará os 10.000 milhons de euros.