Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Internacional, Notícias

Estudo alerta de que o desemprego se situará no Estado espanhol em 25% durante o ano 2012

Quarta-feira, 15 Fevereiro 2012

Coincidindo com as previsons de um 2012 crítico realizadas polo presidente espanhol, conhecíamos um novo informe que alertava de que durante este ano o ritmo de destruiçom de emprego se situará em níveis de 2009 e a taxa de desemprego andará polos 25% até a primeira metade de 2013.

O informe, elaborado polo servizo de estudos do BBVA, calcula que em 2012 se perderám 4% dos postos de trabalho a respeito do ano anterior, a  um ritmo de 2.000 empregos diários, alcançando o número de trabalhadores e trabalhadoras desempregadas os 5,7 milhons.

Sem negar a intencionalidade e utilizaçom das previsons deste e outros estudos similares como coarctada para a aprovaçom de medidas socias e laborais regressivas, é evidente que a classe obreira se enfrenta a umha situaçom de autêntica emergência social. Todo aponta para que a reforma laboral incidirá nas linhas aprovadas na de 2010, embaratecendo o despedimento e dotando de novos mecanismos legais o patronato para se desfazer de trabalhadoras e trabalhadores a custo reduzido.

Neste contexto, as forças sindicais classistas devem rachar com o tradicional abandono das trabalhadoras e trabalhadores desempregdos, dotando-se de ferramentas que permitam a sua participaçom e contribuiçom para enfrentar a ofensiva burguesa.

-->