A Conferencia Nacional Sindical da CIG que hoje decorre em Compostela e que reúne mais de 400 dirigentes da central acabou de aprovar a convocatória de umha greve geral para finais do próximo mês de março.

A decisom produz-se num momento crítico para a classe trabalhadora galega. No quadro da crise sistémica que sofre o capitalismo, a burguesia insiste em aplicar um duro programa de reformas, para o qual conta com a cumplicidade das organizaçons sindicais do regime.

Agora, ás portas de umha nova reforma laboral, a CIG ergue-se de novo como alternativa real ao sindicalismo amarelo que praticam na Galiza CCOO e UGT e decide enfrentar a ofensiva do capital com umha das armas mais poderosas com que conta a classe obreira, a greve geral.