O Banco Central Europeu solicitou durante o passado mês de agosto a um governo espanhol asfixiado pola chamada crise da dívida soberana umha drástica reduçom salarial, a cámbio de reactivar a compra da dívida espanhola.

O Banco Central Europeu fixo a solicitude mediante umha carta que recebeu o presidente espanhol e da que há poucos dias se deu a conhecer o seu conteúdo. O BCE, solicitava a Zapatero umha “devaluaçom competitiva dos salrários” e acçons contra o desemprego juvenil. Ainda que nom houvo reduçom do SMI, a misiva do BCE, si que provocou na altura o anuncio por parte do governo de novas modalidades contractuais para fomentar a contrataçom entre @s jovens e que, meses depois, tomou forma na nova regulamentaçom das práticas nom laborais.

No que se refere à rebaixa salarial, a solicitude que o BCE transladou ao Estado espanhol é similar à que a “troika” vem de transladar a Grécia. Umha equipa de expertos do próprio BCE, o FMI e a Comissom Europeia recomendeu umha rebaixa do salário mínimo grego dos 751 € actuais ao nível de Portugal, onde é de 450 €.