Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Internacional, Notícias, Video

Che Guevara foi homenageado na Venezuela no Dia do Guerrilheiro Heroico

Sábado, 15 Outubro 2011

O passado 8 de outubro,  a Coordinadora Simón Bolívar fechava com um gram ato político o programa de atividades que se desenvolvêrom ao longo dumha semana enquadradas no quadragésimo quarto aniversário do assassinato do Comandante Ernesto Guevara, Che.

Do dia 3 até o passado sábado, tivérom lugar no bairro caraquenho do 23 de Enero diferentes atividades que servírom para reivindicar a luita dos que dérom a sua vida pola revoluçom.

A primeira iniciativa tivo como protagonista Aleida Guevara, filha do guerrilheiro comunista, que foi convidada por umha rádio livre do combativo bairro de Caracas. Aleida manifestou que “a vigência do Che se vê cada vez que um homem ou umha mulher decidem mudar a sua vida e trabalhar por um mundo muito mais justo e melhor para tod@s“.

Outra das atividades destacadas foi a inauguraçom, no dia 7, da exposiçom fotográfica nas instalaçons da Casa de Encontro Bolivariana Freddy Parra sobre as múltiplas facetas do Che.

Os atos centrais tivérom lugar no sábado 8 de outubro. A jornada começou com umha atividade infantil para posteriormente inaugurar a Praça em honor aos Caídos. Já na tarde, tivo lugar um debate com a participaçom de Almilcar Figueroa, Néstor Kohan e Jorge Beinstein, cujo tema foi a insurgência e a legitimidade da luita armada.

Antes de dar passagem às atividades mais lúdicas, com a participaçom de diferentes cantores de intervençom e grupos musicais, foi apresentado o livro “Marulanda e as FARC” e descoberta a estátua a Simón Bolívar e Manuelita Saenz.

A continuaçom disponibilizamos um vídeo elaborado por Alba TV sobre a jornada.