Abrente

Ediçons digitais da publicaçom trimestral do nosso partido

Documentaçom

Textos e outros documentos políticos e informativos de interesse

Ligaçons

Sites recomendados de ámbito nacional e internacional

Opiniom

Artigos assinados sobre temas de actualidade galega e internacional

Video

Documentos audiovisuais disponíveis no nosso portal

Home » Internacional, Notícias

As receitas do FMI em Portugal: aumento da jornada laboral, reduçom de indenizaçons por despedimento e eliminaçom das pagas

Sexta-feira, 14 Outubro 2011

O primeiro-ministro de Portugal, Passos Coelho, seguindo os ditados do FMI e o Conselho Europeu, acabou de anunciar um novo pacote medidas para implementar durante o ano 2012. Neste novas medidas anunciadas, destacam duas especialmente lesivas para as trabalhadoras e trabalhadores, como som a eliminaçom das duas pagas extraordinárias ao pessoal da administraçom pública e o aumento de meia hora da jornada laboral no setor privado.

O pacote de medidas anunciado por Passos Coelho numha declaraçom televisada também inclui umha reduçom da quota empresarial à caixa da Segurança Social e vam encaminhadas a cumprir os compromissos adquiridos com os organismos internacionais que supervisam a intervençom e ficalizam o empréstimo de 78.000 milhons de euros que Portugal recebeu.

Além disso, numha reuniom da concertaçom social que decorreu na passada quanta-feira, o governo português apresentou umha proposta para reduzir as indenizaçons por despedimento a todas as trabalhadoras e trabalhadores. O governo amplia assim a proposta inicial da “troika”, que exigia umha aplicaçom da medida a quem fosse contratad@ após a entrada em vigor da nova legislaçom.